BSY တွင် အိမ်စာကို

• မိဘများ၊ ကျောင်းသားများနှင့်ဆရာများ စီမံခန့်ခွဲနိုင်အောင် ဖန်တီးထားပါသည်။

• ကျောင်းသားများ၏ အတန်းနှင့်ကျောင်းသင်ရိုးညွှန်းတမ်းများနှင့် သက်ဆိုင်သည့်အိမ်စာကို ပေးပါသည်။

• အိမ်စာ၏ရည်ရွယ်ချက်များကို ကျောင်းသားများအားလုံး ရှင်းရှင်းလင်းလင်းနားလည်သဘောပေါက်ရန် ပြုလုပ်ပေးထားရုံသာမက အိမ်စာစစ်ဆေးပြီးသုံးသပ်ချက်ပေးခြင်းကိုလည်း ပြုလုပ်ပေးပါသည်။

EYFS

EYFS ကလေးများတွင်အိမ်စာလုပ်ရန်သတ်မှတ်ထားခြင်းမရှိသော်လည်း မိဘများနှင့်စောင့်ရှောက်သူများ အိမ်တွင် အတူတူဖတ်နိုင်သောစာအုပ်များ ကျောင်းမှပေးမည်ဖြစ်ပါသည်။ ဤသို့လုပ်နိုင်ရန် EYFS ကလေးများအတွက် ကျောင်းအခမဲ့စာကြည့်တိုက်မှ ကြိုက်နှစ်သက်ရာစာအုပ်ကို အပတ်တိုင်းငှားရမ်းပေးပါသည်။ Reception Yearသို့ရောက်ပါက ကျောင်းမှ Oxford Reading Tree စာအုပ်များ  ကလေးများဖတ်ရှုနိုင်ရန် အိမ်သို့ ငှားရမ်းပေးပါသည်။ 

Key Stage 1 (Years 1 မှ 2) and Key Stage 2 (Years 3 မှ 6)

မူလတန်းတွင် အိမ်စာကို ကျောင်းသားများ၏အသက်အရွယ်၊ စွမ်းရည်နှင့်လိုအပ်ချက်များအရတွက်ချက် ပေးပါသည်။ အိမ်စာပေးရာတွင် ရည်ရွယ်ချက်ရှိပြီး ကလေးများ၏စိတ်ဝင်စားမှုနှင့် ကျောင်း၏သင်ရိုးရည်ရွယ်ချက်များနှင့်သက်ဆိုင်သည်များကိုသာပေးပါသည်။ ထိုသို့အိမ်စာပေးခြင်းဖြင့် ကလေးများ လွတ်လပ်စွာသင်ယူနိုင်သောစွမ်းရည်များနှင့်သဘောထားများမွေးမြူရန် အထောက်ကူပြုပါသည်။ ထို့အပြင် ကလေးများ စူးစမ်းလိုမှု  ပိုမိုမြင့်မားလာစေပြီး ကျောင်းတွင် သာမက အိမ်တွင်ပါ ပိုမိုလေ့လာလိုစိတ်ဖြစ်စေမည်ဖြစ်ပါသည်။

အိမ်စာပေးရာတွင် အဓိကအားဖြင့် စာတတ်မြောက်မှုနှင့်ကိန်းဂဏန်းစွမ်းရည်ဖွံ့ဖြိုးတိုးတက်ရေးကို အဓိကထားပါသည်။ စာလုံးပေါင်းများနှင့်အတွေ့များသောစကားလုံးများကိုသင်ယူခြင်း၊ မှန်ကန်သောပုဒ်ဖြတ်ပုဒ်ရပ်များနှင့်သဒ္ဒါမှန်ကန်အောင်လေ့ကျင့်ခြင်း၊ နံပါတ်ဂိမ်းများနှင့်အခြားလေ့ကျင့်ခန်းများလည်း ပါဝင်ပါသည်။

ထို့အပြင် အိမ်စာပေးရာတွင် အောက်ပါအိမ်စာများ ပါဝင်နိုင်ပါသည်။

• သုတေသနပြုလုပ်ခြင်း သို့မဟုတ် စီမံကိန်းများရေးဆွဲခြင်း

• သင်ခန်းစာများအတွက်ကြိုတင်စာဖတ်ခြင်း

• အတန်းရှေ့ထွက် Presentation ပြုလုပ်ခြင်း

• အရေးလေ့ကျင့်ခန်းများ ပေးခြင်းတို့ ပါဝင်နိုင်ပါသည်။

အိမ်စာကို မီနူးပုံစံဖြင့်ပေးမည်ဖြစ်ပြီး တစ်နှစ်ပတ်လုံး သင်ကြားရမည့်အကြောင်းအရာများနှင့် သက်ဆိုင်သော အိမ်စာများ ပါဝင်ပါမည်။

Key Stage 3 (Years 7 မှ 9) and Key Stage 4 (Year 10)

Secondary School တွင်အိမ်စာနှင့် ပတ်သက်၍ ချဉ်းကပ်ပုံသည် ကလေး၏အသက်၊ ဖွံ့ဖြိုးမှုအဆင့်နှင့်ဘာသာရပ်အလိုက်ကွဲပြားပါသည်။ ဆရာများအနေဖြင့်

1. အိမ်စာပုံမှန်ပေးခြင်း၊

2. ကလေးအသက်အရွယ်နှင့်သင့်လျော်အောင်ပေးခြင်းနှင့်

3. ကလေး၏လိုအပ်ချက်ပေါ်မူတည်၍ လုပ်ရမည့်အိမ်စာအမျိုးအစား၊ ပမာဏနှင့်ကြာချိန် များ ချိန်ညှိပေးခြင်းတို့ကို ပြုလုပ်ပေးမည် ဖြစ်ပါသည်။ 

4. ထို့ပြင် အိမ်စာလုပ်ခြင်းသည် အတန်းတွင်း သင်ခန်းစာများ သင်ယူရာတွင် လည်း များစွာအကျိုးရှိစေပါသည်။

အိမ်စာ၏ပမာဏနှင့်ရှုပ်ထွေးမှုသည် အသက်အရွယ်နှင့်အမျှ တိုးလာပါမည်။ အကြမ်းဖျင်းအနေဖြင့် Key Stage 3 (Years 7 မှ 9) ရှိ ကျောင်းသားများသည် ဘာသာရပ်တစ်ခုကို တစ်ပတ်လျှင် မိနစ် ၃၀ မှ ၄၅မိနစ်ကြား အိမ်စာလုပ်ရမည်ဖြစ်ပြီး Key Stage 4 (Year 10) တွင် တစ်နာရီ သို့မဟုတ် ထို့ထက်ပိုကြာမြင့်နိုင်ပါသည်။ ဆရာများ သည် သင်ရိုးညွှန်းတမ်းနှင့်သင့်လျော်သည့်အချိန်တွင် ကျောင်းသားများအတွက်အိမ်စာကို အကောင်းဆုံးသတ်မှတ်ပေးမည်ဖြစ်ပါသည်။

Knowledge Organisers နှင့်အိမ်စာ (Key Stage 3 and 4)

Knowledge Organizers (KOs) သည် အဓိကအသေးစိတ်အချက်အလက်များကို ကျောင်းသားများအလွယ်တကူစုစည်းမှတ်သားနိုင်သော မှတ်တမ်းတစ်ခုဖြစ်ပါသည်။ Secondary အရွယ်တွင် Knowledge Organizers (KOs)ကို အဓိကမှတ်တမ်းအဖြစ်အသုံးပြုပြီးကျောင်းသားများအတွက် သင်ကြားရေးအထောက်အကူအဖြစ်လည်းအသုံးပြုသည်။ ဆရာများနှင့်ကျောင်းသားများ၏ အဓိကကိုးကားစရာမှတ်တမ်း အဖြစ်လည်း အသုံးပြုပါသည်။